සීමාසහිත එක්ස්ප්‍රස් නිව්ස්පේපර්ස් (ලංකා) (පුද්) සමාගම
සීමාසහිත එක්ස්ප්‍රස් නිව්ස්පේපර්ස් (ලංකා) (පුද්) සමාගම පුද්ගලික සමාගමක් ලෙසින් 1970 දී ලියාපදිංචි කෙරුණු අතර, ඒ මගින් ජනප්‍රිය දමිළ භාෂා පුවත්පතක් වන වීරකේසරී ප්‍රකාශයට පත් කෙරේ. මෙම සමාගම මේ වනවිට දමිළ භාෂා ප්‍රකාශනයන් සහ වෙබ් අඩවි කිහිපයක් පවත්වා ගෙන යයි. එහි ඩේලි එක්ස්ප්‍රස් සහ වීක්ලි එක්ස්ප්‍රස් යනුවෙන් ඉංග්‍රීසි භාෂා ප්‍රකාශනයන් දෙකක්ද, ටැමිල් ටයිම්ස් යනුවෙන් දමිළ භාෂා පුවත්පතක්ද ඇති අතර මේවා විදේශයන්හි ප්‍රකාශයට පත්වේ. එසේම මෙම සමාගම, දමිළ භාෂා පුවත්පත් වන තිනකුරල් හා උදයසූරියන් ප්‍රකාශයට පත් කරනා සීමාසහිත ඒෂියන් මීඩියා පබ්ලිකේෂන්ස් (පුද්) සමාගමේ 59.99% ක කොටස් ද අයත් කොටගෙන සිටී.
ව්‍යාපාර ආකෘති පත්‍රය
පුද්ගලික
නෛතික ආකෘති පත්‍රය
පුද්ගලික සීමිත වගකීම් සමාගම
ව්‍යාපාරික ක්ෂේත්‍රයන්
මුද්‍රණ හා ප්‍රකාශන
වෙනත් මුද්‍රිත ප්‍රකාශනයන්
මෙට්‍රෝ (දිනපතා) (0.24%)
මෙට්‍රෝ (සතිපතා) (දත්ත නොමැත)
විඩිවෙල්ලි (දිනපතා හා සතිපතා) (දත්ත නොමැත)
ඩේලි එක්ස්ප්‍රස් (දත්ත නොමැත)
වීක්එන්ඩ් එක්ස්ප්‍රස් (දත්ත නොමැත)
සූරියකාන්ති (දත්ත නොමැත)
සියදෙස (දත්ත නොමැත)
ෆයිනැන්ෂල් ඩයිජෙස්ට් (දත්ත නොමැත)
නානායම් (දත්ත නොමැත)
මාලෛ එක්ස්ප්‍රස් (දත්ත නොමැත)
ටැමිල් ටයිම්ස් (දත්ත නොමැත)
මිතිරන් (දත්ත නොමැත)
කලාකේසරී (0.09)
ජීනියස් (දත්ත නොමැත)
සුහවය්සු (දත්ත නොමැත)
සෝතිදකේසරී (දත්ත නොමැත)
චුට්ටි කේසරී (දත්ත නොමැත)
වෙනත් අන්තර්ජාල ප්‍රකාශනයන්/විකාශනයන්
http://www.virakesari.lk/
http://thirumanam.lk/
http://aboutcolombo.lk/
http://metronews.lk/
http://mithiran.lk/
http://vidivelli.lk/
මාධ්‍ය ව්‍යාපාරය
ප්‍රකාශන
ඒෂියන් මීඩියා පබ්ලිකේෂන්ස්(59.99%)
සාමාන්‍ය තොරතුරු
ආරම්භ කළ වසර
1930
ආරම්භකයාට අනුබද්ධිත සම්බන්ධතාවයන්
පී.පී.ආර්.සුබ්‍රමනියම් චෙට්ටියාර් යනු ඉන්දියාවේ, තමිල් නාඩුවේ, අවානිපට්ටි ග්‍රාමයෙන් පැමිණි ව්‍යවසායකයෙකු සහ ජනමාධ්‍යවේදියෙකු වේ. ඉන්දියාවේ සිට බ්‍රිතාන්‍ය ලංකාවට සංක්‍රමණය වූ ඔහු ඉන්දියානු කම්කරුවන්ගේ තත්වය දු‍ටු අතර, ඔවුන් වෙනුවෙන් සමානාත්මතාවය සහ යුක්තිය ලබාගැනීමට හඬ නගනු වස් පුවත්පතක් ආරම්භ කිරීමට තීරණය කරන ලදී. මෙසේ 1930 දී සුබ්‍රමනියම් විසින් වීරකේසරී ස්ථාපිත කළ අතර, ඔහු එහි ප්‍රධාන කර්තෘ ලෙසද ක්‍රියාකාරී විණි. ඊට අමතරව සුබ්‍රමනියම් විසින් මැලේසියාවේ රබර් වතු ආරම්භ කළ අතර, සිංගප්පූරුවේ ඉඩකඩම් සඳහාද ආයෝජනය කරන ලදී.
සේවා නියුක්තයින්
දත්ත නොමැත
සම්බන්ධ කරගැනීමේ තොරතුරු
Express Newspapers (Ceylon) (Pvt) Limited
No. 185, Grandpass Road, Colombo 14
Tel: +94117322700, +94117322777
Website: encl.lk
බදු අංකය/හඳුනා ගැනීමේ අංකය
PV3125
මූල්‍ය තොරතුරු
ආදායම (මූල්‍ය දත්ත/වෛකල්පික)
5.44 Mio. $ / 830 Mio. LKR
ක්‍රියාකාරී ලාභය (ඇමරිකන් ඩොලර්.මිලියන වලින්)
දත්ත නොමැත
ප්‍රචාරණය (සමස්ත මුදල් වෙන්කිරීමෙන් ප්‍රතිශතයක් ලෙස)
දත්ත නොමැත
කළමනාකාරීත්වය
විධායක මණ්ඩලය+විධායක මණ්ඩලයේ ලැදියාවන්
සිවකුමාර් නඩේසන් නැතිනම් කුමාර් නඩේසන් යනු එක්ස්ප්‍රස් නිවුස්පේපර්ස් (ලංකා) (පුද්.) සමාගමේ කළමනාකාර අධ්‍යක්ෂ වේ. ඔහු ඔහු සමාගමේ සෘජු කොටස් හිමිකරුවෙකි. ඊට අමතරව තිනකුරල් හා උදයසූරියන් පුවත්පත් ප්‍රකාශයට පත් කරනා සීමාසහිත එක්ස්ප්‍රස් පුවත්පත් සමාගම හරහා ඔහු සීමාසහිත ඒෂියන් මීඩියා පබ්ලිකේෂන්ස් (පුද්) සමාගමේද කුඩා කොටස් ප්‍රමාණයකට හිමිකම් කියයි. ඔහු ශ්‍රී ලංකා පුවත්පත් ආයතනයේ (SLPI) වත්මන් සභාපතිවරයා වේ.
ක්‍රිෂ්ණමූර්ති රත්නම් රවීන්ද්‍රන් - නැතිනම් කේ.ආර්. රවීන්ද්‍රන් මුද්‍රණ හා ඇසුරුම්කරණ ක්ෂේත්‍රයේ වසර 40 කට වැඩි අත්දැකීම් සහිතව සිටී. රවීන්ද්‍රන් සීමාසහිත වෙයිරොන් මීඩියා සර්විසස් (පුද්) සමාගමේ අධ්‍යක්ෂවරයෙකු ලෙසින්ද සේවය කරයි. ඔහු සීමාසහිත එක්ස්ප්‍රස් නිවුස්පේපර්ස් (ලංකා) (පුද්.) සමාගමේ තනි කොටස් 15.22% ක ප්‍රමාණයක් හිමිව සිටිනා අතර, ඔහුගේ සහෝදරයා වන ක්‍රිෂ්ණමූර්ති මනෝහරන් හා හවුලේ කොටස් 3.29% කට හිමිකම් කියයි.
හරිහරන් සෙල්වනාදන් යනු බුකිට් දරාහ් පීඑල්සී, කාර්සන් කම්බර්බැච් පීඑල්සී, සීමාසහිත කාර්සන්ස් මැජේන්මන්ට් සර්විසස් (පුද්) සමාගම, ශාලිමාර් ඩිවලොප්මන්ට්ස් (Sdn. Bhd), පී ටී ඇග්‍රෝ බුකිට් සහ ඇග්‍රෝ සීමාසහිත හරපාන් ලෙස්ටරි (පුද්) සමාගම යන ඒවායේ සභාපතිවරයායි. ඊට අමතරව ඔහු සීමාසහිත ගුඩ් හෝප් ඒෂියා හෝල්ඩින්ග්ස් සහ ලයන් බෲඅරි ලංකා පීඑල්සී හි උප සභාපති ලෙසින්ද කටයුතු කරයි. සීමාසහිත ශ්‍රී ක්‍රිෂ්ණා කෝපරේෂන් (පුද්) සමාගම ඇතුළුව කාර්සන්ස් සමූහය තුළ උප සමාගම් ගණනාවකම අධ්‍යක්ෂ තනතුරු ඔහු දරයි. හරිහරන් මින් පෙර ජාතික වාණිජ මණ්ඩලයේ සභාපති, ජාත්‍යන්තර වාණිජ මණ්ඩලයේ සභාපති මෙන්ම සීමාසහිත එක්ස්ප්‍රස් නිව්ස්පේපර්ස් (පුද්) සමාගමේ සභාපති ලෙසින්ද කටයුතු කොට ඇත. ඔහු සහ ඔහුගේ සොයුරු මනෝහරන් සෙල්වනාදන් සීමාසහිත එක්ස්ප්‍රස් නිවුස්පේපර්ස් (ලංකා) (පුද්.) සමාගමේ සැලකිය යුතු කොටස් ප්‍රමාණයක හිමිකාරීත්වය දරයි.
කාලිඅප්පපිල්ලෛ සෞන්දරාජන් සීමාසහිත එක්ස්ප්‍රස් නිවුස්පේපර්ස් (ලංකා) (පුද්.) සමාගමේ සෘජු කොටස් වලට හිමිකාරීත්වය දරයි. එසේම ඔහු සීමාසහිත කේ එම් කේ හෝල්ඩින්ග්ස් (පුද්) සමාගමේ සහ සීමාසහිත කේ එම් කාලෛ අප්පපිලෛ සහ සමාගමේ අධ්‍යක්ෂ ලෙසින්ද කටයුතු කරයි.
සයිමන් රාජසීලන් ඥාණම් යනු ඥාණම් පවුලේ සාමාජිකයෙකු වන අතර, එම පවුල සාමූහිකව සීමාසහිත එක්ස්ප්‍රස් නිවුස්පේපර්ස් (ලංකා) (පුද්.) සමාගමේ කොටස් 16.69% කට හිමිකම් කියයි.
මනෝහරන් සෙල්වනාදන් යනු එච්.සෙල්වනාදන්ට විකල්ප අධ්‍යක්ෂවරයා හා ඔහුගේ සොයුරා වේ. මනෝහරන් හා ඔහුගේ සොයුරු හරිහරන් සීමාසහිත එක්ස්ප්‍රස් නිවුස්පේපර්ස් (ලංකා) (පුද්.) සමාගමේ සැලකිය යුතු කොටස් ප්‍රමාණයකට හිමිකම් කියයි.
ක්‍රිෂ්ණමූර්ති රාජබදර් රවීන්ද්‍රන් යනු කේෂ්ණමූර්ති රත්නම් රවීන්ද්‍රන්ගේ විකල්ප අධ්‍යක්ෂවරයායි.
හරිහරන් සෙල්වනාදන් යනු සිවකුමාර් නඩේසන්ගේ විකල්ප අධ්‍යක්ෂවරයායි.
සරවන් සෞන්දරාජන් යනු කාලියප්පපිල්ලෛ සෞන්දරරාජන්ගේ විකල්ප අධ්‍යක්ෂ හා සීමාසහිත ඒෂියා මීඩියා පබ්ලිකේෂන්ස් (පුද්) සමාගමේ අධ්‍යක්ෂවරයෙකු වේ.
වැඩිදුර තොරතුරු
දත්ත පිළිබඳ තොරතුරු
සීමාසහිත එක්ස්ප්‍රස් නිව්ස්පේපර්ස් (ලංකා) (පුද්.) සමාගමේ නිල වෙබ් අඩවි මගින් පුවත්පතේ ආරම්භකයා පිළිබඳ සීමාසහිත තොරතුරු ප්‍රමාණයක් සපයයි. කෙසේ වුවත් සමාගමේ සියලුම මුද්‍රිත ප්‍රකාශන හා අන්තර්ජාල අඩවි මෙම නිල වෙබ් අඩවියේ ලැයිස්තුගත කොට ඇත. මේ අතර සමාගමේ අධ්‍යක්ෂ මණ්ඩල තොරතුරු හෝ සමාගමේ සංවිධාන ව්‍යුහය පිළිබඳ තොරතුරු නිල වෙබ් අඩවියේ දැකගත නොහැක. එනිසා ද්විතීයික මූලාශ්‍රයන් මෙන්ම, සමාගම මගින් ඉල්ලීමට ප්‍රතිචාරයක් ලෙසින් ලබාදුන් තොරතුරුද පර්යේෂණ ක්‍රියාවලිය අතරතුරදී පරිශීලනය කොට ඇත. සමාගමේ කොටස් හිමිකරුවන් පිළිබඳ තොරතුරු හා අධ්‍යක්ෂ මණ්ඩල තොරතුරු සමාගම් ලියාපදිංචි කිරීමේ දෙපාර්තමේන්තුවේ ලබාගැනීමට ඇති වාර්ෂික දත්ත වාර්තාවන් ඔස්සේ එක් රැස් කොටගෙන ඇත. මාධ්‍ය හිමිකාරීත්ව නිරීක්ෂණ පර්යේෂක කණ්ඩායම 2018 ජූලි 20 දින සමාගමේ තොරතුරු ඉල්ලුම් කරමින් එක්ස්ප්‍රස් නිව්ස්පේපර්ස් (ලංකා) (පුද්.) සමාගමට නිල වශයෙන් ඉල්ලීමක් කළ අතර, සමාගම මගින් පූර්වෝක්ත ඉල්ලීමට 2018 අගෝස්තු 20 දින ප්‍රතිචාර දක්වා තිබිණි. ගණන් ප්‍රමාණයක් ඇමරිකානු ඩොලරයට පරිවර්තනය කිරීම සඳහා 2017 වසර සඳහා මහ බැංකුවේ විනිමය අනුපාත මධ්‍යන්‍ය අගය (152.45) භාවිතා කොට ඇත.
Sri Lankan Dhammika Perera's Master Plan by Forbes, Accessed on 28 September 2018
