திவயின

உபாலி விஜேவர்தன 1978 இல் உபாலி நியூஸ்பேப்பர்ஸ் (பிறைவேட்) லிமிட்டெட்டைத் தாபித்தார். 1981 இல் இக்கம்பனி திவயின மற்றும் ஐலண்ட் பத்திரிகைகளின் ஞாயிறு பதிப்பை ஆரம்பித்தது. உபாலியின் குடும்பத்திற்கு நாட்டின் ஊடகத் துறையுடன் மிக நெருக்கமாக தொடர்புபட்ட ஒரு நீண்ட வரலாறு உண்டு. உதாரணமாக உபாலியின் ஒன்றுவிட்ட சகோதரர் ரஞ்சித் விஜேவர்தன விஜே நியூஸ்பேப்பர்ஸ் லிமிட்டெட்டை தாபித்ததோடு அதன் தற்போதைய தலைவராகவும் பணியாற்றுகிறார். 1983 இல் அவரது தனிப்பட்ட ஜெட் விமானம் மலேசியாவிலிருந்து சொந்த நாட்டை நோக்கி வந்த பயணத்தில் புறப்பட்ட சிறிது நேரத்தில் காணாமற் போனபோது அவர் இறந்துவிட்டதாக சட்டபூர்வமாக அறிவிக்கப்பட்டது.

நிமால் வெல்கம உபாலி நியூஸ்பேப்பர்ஸ் (பிறைவேட்) லிமிட்டெட்டின் தற்போதைய முகாமைத்துவப்
பணிப்பாளராவார். நிமால் உபாலி விஜேவர்தனவின் விதவையான லக்மனி வெல்கமவை (கன்னிப் பெயர் ரத்வத்த) மணம் முடித்தார். அவர் உபாலி பத்திகைக் குழுமத்தின் தலைவராகப் பணியாற்றிய காலஞ் சென்ற கலாநிதி சீவலி ரத்வத்தயின் மகளாவார். நிமால் வெல்கமவின் சகோதரர் குமார் வெல்கம ஐக்கிய தேசியக் கட்சியின் (ஐதேக) ஒரு
பாராளுமன்ற உறுப்பினராவார்.

வசந்த லியனகே – முன்னாள் திவயின தினப் பத்திரிகையின் பிரதான செய்தியாசிரியரான ஜயந்த சந்திரசிறி ராஜினாமாச் செய்ததன்பின் அப்பதவிக்கு நியமிக்கப்பட்டார். வசந்த லியனகேயின் சகோதரர் லால் லியனகே தற்போது திவயின பத்திரிகையின் வினியோக முகாமையாளராக செயற்படுகின்றார். வசந்த லியனகே, இலங்கை பத்திரிகை சங்கத்தின் நிறைவேற்றுக் குழுவின் அங்கமாகவும் செயற்படுகின்றார்.

மனோஜ் அபேதீர - பிரதி செய்தியாசிரியர் - வாராந்த ஞாயிறு திவயின

Divaina senior journalist Shyam Nuwan Ganewatta presents by the Daily FT (2012), Accessed on 20 September 2018

திவயின செய்திப் பத்திரிகையின் உத்தியோகபூர்வ வலைத்தளம் அதன் தாபகர், பணிப்பாளர் சபை அல்லது நிறுவனக் கட்டமைப்பு பற்றி எவ்விதத் தகவலும் வழங்குவதில்லை. மேலும், உபாலி நியூஸ்பேப்பர்ஸ் (பிறைவேட்)
லிமிட்டெட்டிற்கு ஓர் உத்தியோகபூர்வ வலைத்தளம் இல்லை. ஆகையால் பகிரங்கமாகக் கிடைக்கும் இரண்டாம் நிலை மூலங்கள் உசாவப்பட்டன. பங்குதாரர்கள் தொடர்பான தகவல்கள் கம்பனிகள் பதிவாளர் திணைக்களத்தில் இருக்கும் வருடாந்த ரிட்டன்களிலிருந்து பெற்றுக்கொள்ளப்பட்டன. உரித்தாண்மை மற்றும் பணிப்பாளர் சபை தொடர்பாக கிடைக்கக்கூடியதாக உள்ள மிக அண்மைய தரவுகள் 2017 ஆம் ஆண்டுக்குரியவை ஆகும். 2017 ஆம் ஆண்டுக்கான வாசகர் தொகை பற்றிய தரவுகள் இலங்கை சந்தை ஆராய்ச்சி பணியகத்திடமிருந்து(LMRB) பெற்றுக்கொள்ளப்பட்டன. அது திவயின பத்திரிகையில் வாராந்த மற்றும் நாளாந்த வெளியீடுகளின் தொகையாகும். ஊடக உரித்தாண்மை கண்காணிப்பு ஆராய்ச்சிக் குழு இக் கம்பனியின் தகவல்களை முறையாகக் கோரி 2018 ஜுலை 20 ஆம் திகதி உபாலி நியூஸ்பேப்பர்ஸ் (பிறைவேட்) லிமிட்டெட்டை அணுகியபோது அக் கம்பனி மேற்குறிப்பிடப்பட்ட கோரிக்கைக்கு செவிசாய்க்கவில்லை.