சுமதிபால குடும்பம்

திலங்க சுமதிபால என்றும் அறியப்படும் உடுவட்டுவகே ஜனத் பிரிய திலங்க சுமதிபால ஒரு பாராளுமன்ற

உறுப்பினராவார். அவர் 1994 இல் சுமதி நியூஸ்பேப்பர்ஸ் (பிறைவேட்) லிமிட்டெட்டைத் தாபித்தார். இக்கம்பனி

2008 இல் லக்பிம நியூஸ்பேப்பர்ஸ் (பிறைவேட்) லிமிட்டெட் என்று பெயர் மாற்றப்பட்டது. தனது அரசியல்

வாழ்க்கையை மேம்படுத்துமுகமாக அவர் லக்பிம நியூஸ்பேப்பர்ஸ் (பிறைவேட்) லிமிட்டெட்டின் பணிப்பாளர்

சபையிலிருந்தும் அதன் தலைவர் பதவியிலிருந்தும் 2010 இல் இராஜிநாச் செய்தார். முன்னர் பின்வரும் பதவிகளை

வகித்தமைக்காக அவர் நன்கறியப்பட்டவராக உள்ளார்: இலங்கைப் பாராளுமன்றத்தின் முன்னாள் பிரதி சபாநாயகர், முன்னாள் திறன்விருத்தி மற்றும் வாழ்க்கைத் தொழில் பயிற்சி பிரதி அமைச்சர், மேல் மாகான சபை முன்னாள் உறுப்பினர் மற்றும் இலங்கைப் பத்திரிகைச் சங்கத்தின் ஸ்தாபக உறுப்பினர். #

திலங்க ஒரு வர்த்தக ஜம்பவானாகிய யு.டப்ளியு சுமதிபால மற்றும் கொடை வள்ளல் மிலினா சுமதிபால ஆகியோரின் இளைய மகனாவார். யு.டப்ளியு சுமதிபால லக்பிம நியூஸ்பேப்பர்ஸின் தாய்க் கம்பனியான சுமதி குளோபல் கொண்சிலிடேட்டட் (பிறைவேட்) லிமிட்டெட்டின் ஸ்தாபகராக உள்ள அதேவேளை, மிலினா சுமதிபால அவரது கணவர் காலமானதன்பின்னர் அதன் தலைவராகப் பணியாற்றினார். திலங்கவிற்கு ஜகத் சுமதிபால என்ற ஒரு சகோதரரும் ஐந்து சகோதரிகளும் உள்ளனர். ஜகத் தற்போது சுமதி குளோபல் கொண்சிலிடேட்டட் (பிறைவேட்) லிமிட்டெட்டின் தலைவராகவும் லக்பிம நியூஸ்பேப்பர்ஸ் (பிறைவேட்) லிமிட்டெடின் CEO மற்றும் முகாமைத்துவப் பணிப்பாளராகவும் இருக்கிறார்.